اے جذبہ دِل گر ميں چاہُـوں ۔۔۔۔۔۔۔ ہر چيز مُقابل آجائـے
منزل کےلئے دو گام چلوں ۔۔۔۔ اور سامنے منزل آجائـے
اے دِل کي خلش چل يُوں ہي سہي چلتا تو ہُوں اُن کي محفل ميں
اُس وقت مُجھے چونکا دينا ۔۔۔۔۔۔۔ جب رنگ پہ محفل آجائـے
اے رہبرِ کامل چل ديکھو ۔۔۔۔۔ تيار تو ہُـوں پر ياد رہـے
اُس وقت مُجھے بھٹکا دينا ۔۔۔۔ جب سامنے منزل آجائـے
ہاں ياد مُجھے تُم کر لينـا ۔۔۔۔۔۔۔ آواز مُجھے تُم دے لينـا
اس راہِ مُحبّت ميں کوئي ۔۔۔۔ درپيش جو مشکل آجائـے
اب کيوں ڈھونڈوں وہ چشمِ کرم ۔۔۔۔ ہونے دے ستم بالائے ستم
ميں چاہتا ہُــوں اے جذبہ غم ۔۔۔۔۔۔۔ مُشکل پہ مُشکل آجائـے
آتا ہے جو طوفان آ نے دو ۔۔۔۔۔ کشتی کا خُدا خُود حافظ ہـے
مشکل تو نہیں ان موجوں میں ۔۔۔۔۔ بہتا ہُــوا ساحل آجائـے
No comments:
Post a Comment